Programi i Ciklit të Parë të Studimeve të Departamentit të Theologjisë synon të ofrojë arsim të nivelit të lartë në fushën shkencore të Theologjisë, si dhe në studimin e religjionit dhe kulturës. Objektivi kryesor është të përgatisë profesorë të theologjisë, kler të trajnuar theologjikisht për t’i shërbyer Kishës, zbatues që mund të ofrojnë punë sociale dhe punë në organizata kulturore ose kishtare, shkencëtarë të aftë që studiojnë Theologjinë e Krishterë dhe veçanërisht atë Orthodhokse dhe, më përgjithësisht, diversitetin e fenomenit religjioz. Kriteri i pranimit për 24 studentë për të hyrë në programin bachelor është një notë mesatare prej 6,5 GPA që llogaritet nga diploma e shkollës së mesme dhe provimet kombëtare.
Sa i përket karrierës profesionale të të diplomuarve, Kurrikula e Ciklit të Parë synon, gjithashtu, të arrijë rezultatet e mëposhtme të të nxënit:
· të jenë në gjendje të zbatojnë njohuritë në praktikë;
· të komunikojnë në një gjuhë të dytë;
· të kërkojnë, analizojnë dhe përpilojnë të dhënat dhe informacionet, duke përdorur teknologji të përshtatshme;
· t’u përshtaten situatave të reja dhe të marrin vendime;
· të punojnë në mënyrë autonome ose në grup në një kontekst ndërkombëtar dhe/ose ndërdisiplinor;
· të respektojnë diversitetin, multikulturalizmin dhe mjedisin natyror;
· të tregojnë ndjeshmëri dhe përgjegjësi profesionale, sociale dhe morale ndaj çështjeve gjinore;
· të kenë aftësinë e kritikës dhe vetë-kritikës;
· të promovojnë të menduarit e lirë, produktiv dhe induktiv;
· të veprojnë me ndjeshmëri dhe përgjegjësi sociale ndaj publikut.
Kohëzgjatja zyrtare e programit është 6 semestra dhe numri minimal i krediteve evropiane (ECTS), që kërkohet për të marrë diplomën është njëqind e tetëdhjetë (180). Kurset janë të ndara në pesë tipe: Tipi A janë kurset themelore, Tipi B janë kurset specifike shkencore, Tipi C janë kurset me zgjedhje, Tipi D janë kurset plotësuese dhe Tipi E janë detyrimet për diplomimin e studentëve.
Çdo student duhet të fitojë gjithsej 180 kredite ECTS në mënyrë që të marrë diplomën bachelor. Çdo semestër studentët kanë mundësinë të zgjedhin një kurs me zgjedhje (Tipi C) nga dy zgjedhje. Kurset e tipit A dhe B janë kurse të detyrueshme. Kurset e tipit D janë Gjuhë Greke (5 semestra), Gjuhë Angleze (2 semestra) dhe Informatikë (2 semestra), të cilat, gjithashtu, janë të detyrueshme. Për më tepër, studentët, për diplomimin e tyre, do t’u duhet të shkruajnë dhe paraqesin një tezë para një komiteti (Tipi E) vetëm nëse ata kanë një mesatare nga 8.50 e lart, nga fundi i vitit të dytë akademik (semestrin e 4-rt) dhe, gjithashtu, kanë kaluar me sukses të gjitha lëndët. Nëse studentët kanë një mesatare prej 8.49 e poshtë, ata duhet të bëjnë disa provime shtesë – me shkrim ose me gojë – për tri lëndë themelore. Dy lëndë caktohen me vendim të departamentit dhe një lëndë zgjidhet nga studenti. Një komitet prej të paktën dy profesorë shqyrton çdo kurs dhe vlerëson performancën e studentëve. Departamenti, pas vlerësimit të komiteteve për çdo kurs, duhet të aprovojë vlerësimin e tyre.
Studentët mund të paraqesin tezën e tyre ose të japin ato provime përfundimtare të diplomimit, vetëm nëse kanë kaluar me sukses të gjitha kurset e kurrikulës. Në fund, në semestrin e gjashtë, studentët do të duhet të marrin pjesë në programin e praktikës studentore të departamentit tonë. Në fund, një detyrim tjetër për studentët është të marrin pjesë në një seminar trajnimi për përdorimin e burimeve bibliotekare dhe burimeve dixhitale për shkrimin akademik.
Info për pranimet ketu.
PLANI MËSIMOR
Viti I
| Emërtimi i lëndës | ECTS |
| Hyrje në studimet religjoze | 3 |
| Hyrje në Dhiatën e Vjetër | 4,5 |
| Hyrje në Dhiatën e Re | 4,5 |
| Historia e Krishtërimit I (mijëvjeçari i parë) | 6 |
| Hyrje në Theologji | 3 |
| Informatikë | 3 |
| Gjuhë angleze I | 3 |
| Gjuhë greke I | 3 |
| Studime mbi tekstet e Dhiatës së Re | 4,5 |
| Literatura e krishterë | 4,5 |
| Historia e Krishtërimit II (mijëvjeçari i dytë) | 6 |
| Parime të adhurimit të krishterë | 6 |
| Pedagogji | 3 |
| Gjuhë angleze II | 3 |
| Gjuhë greke II | 3 |
Viti II
| Emërtimi i lëndës | ECTS |
| Studime mbi tekstet e Dhiatës së Vjetër | 4,5 |
| Theologjia e Adhurimit | 6 |
| Studime të autorëve të mëdhenj të krishterë | 4,5 |
| Edukatë e krishterë | 4,5 |
| Hagjiologji | 3 |
| Hyrje ne Filozofi | 3 |
| Lëvizja e krishterë Ekumenike | 4,5 |
| Interpretimi i teksteve biblike | 4,5 |
| Studime sistematike në Teologji I | 4,5 |
| Historia e Kishës Ortodokse në Shqipëri | 4,5 |
| Histori e religjioneve I | 3 |
| Trashëgimia kulturore e krishterë në Shqipëri | 3 |
| Organizimi i aktiviteteve pedagogjik | 3 |
| Lexime të Etërve Apostolikë | 4,5 |
| Hyrje në Etikë | 3 |
Viti III
| Emërtimi i lëndës | ECTS |
| Studime sistematike në Teologji II | 4,5 |
| E Drejta Kanonike | 3 |
| Historia e religjioneve II | 4,5 |
| Përkujdesje e krishterë sociale | 4,5 |
| Sociologjia e religjonit | 3 |
| Historia e religjoneve në Shqipëri | 3 |
| Metodologjia e studimit shkencor | 3 |
| Arti i krishterë dhe Arkeologjia | 4,5 |
| Studime sistematike në Etikë | 4,5 |
| Teoria dhe parime të Retorikës | 4,5 |
| Dialogu Ndërfetar | 3 |
| Dëshmi e Ortodoksisë në botën moderne | 3 |
| Theologjia e Biblës | 6 |
| Praktikë | 3 |
| Punim final/Punimi I diplomës | 6 |
Departamenti i Theologjisë dhe Kulturës 